“Геополитикийн нөхцөл байдал хурцдаж байгаа өнөө үед Оросын цор ганц холбоотон нь Беларус улс болж үлдэж байна” гэж тус улсын Ерөнхийлөгч Александр Лукашенко “Беларусь-1” телевизээр ярихдаа мэдэгджээ. “Оросын хувьд цор ганц холбоотон нь Беларус улс л үлдлээ. Бид  Оросын байгалийн хийг Германы дараа худалдан авдаг хоёр дахь хэрэглэгч. Бид тэдний нефтийг асар ихээр боловсруулж байна. Мэдээж тэд Беларусийг эдийн засгийн хувьд ч, үүнээс илүүтэй улс төрийн хувьд алдахыг хүсэхгүй байгаа. Яагаад гэвэл Беларусыг алдах юм бол  Оросын дотоод бодлогод асар том цохилт болно” гэж А.Лукашенко хэлсэн байна. Ноён А.Лукашенко Оросын байгалийн хийн үнийг хямдруулах хэрэгтэй гэж нэг бус удаа мэдэгдэж байсан. Беларусын Эрчим хүчний яам Оросын “Газпром”-д хандаж 2020 онд байгалийн хий авах талаар болон 2021 оны болзлын талаар хэлэлцье гэсэн санал тавьж байсан. Харин “Газпром” болохоор Беларусь өрөө төлсөн нөхцөлд хэлэлцээр хийнэ гэж хариулжээ. Минск болохоор Оросын компанид өргүй гээд байгаа. Александр Лукашенко ч Оросын байгалийн хийг худалдан авахаас өөр хувилбар олж болох юм гэж энэ сарын 16-нд мэдэгдэж байсан юм. 

ЭХ СУРВАЛЖ: "АРДЧИЛАЛ ТАЙМС" СОНИН