Украины тэнгисийн цэргийн хүчин Оростой бүрэн хэмжээний дайн хийхэд бэлтгэж байна гэж флотын командлагч контр-адмирал Алексей Неижпапа “Думская” сонинд өгсөн ярилцлагадаа мэдэгдсэн байна.
Украины ерөнхий командлагчийн хэлж байгаагаар бол Крымыг эргүүлэн авах, ер нь Оростой хийх дайнд бэлтгэж байгаа юм байна. “Манайх цэрэг энгийн иргэдийн асар их хохирол амсах нь гарцаагүй” гэж Неижпапа хэлжээ. Түүний хэлж байгаагаар бол Крым дэх Днепровын усыг чөлөөлөх зорилгоор Херсон мужаар Оросын арми руу дайрах юм байна.
“Манай цэрэг ийм ажиллагаанд бэлтгэж байна. Бүх төлөвлөгөөгөө задлаад яахав, гэхдээ захаас нь дурдвал пуужингийн “Нептун” комплексоор Украины нутгаас Севастополийн зүг гал нээнэ. Тэгээд яахыг харна даа” гэж Неижпапа мэдэгджээ.

Байлдааны ажиллагаа эхлэх дохио нь Крымын хойг дээр Оросууд Умард-Крымын суваг нээх оролдлого болно гэж контр-адмирал онцолсон байна. Украин улс өмнө нь Крымын цэвэр усны 85 хувийг Умард-Крымын сувгаар дамжуулан Днепр мөрнөөс хангадаг байсан юм. Харин Крымыг Орост нэгдсэний дараанаас энэ сувгаа бүрэн хаасан юм.
Украины улстөрчид Оросууд Умард-Крымын сувгийг эзлэх гэж байна хэмээн ус өгөхөө сэргээхээс татгалзсаар өнөө хүрч байгаа юм.
Нөгөө талаар Украины тэнгисийн цэргийн хүчин сүүлийн жилүүдэд багагүй асуудалтай байгаа. Хуучин хөлгүүд нь жагсаалаас гарч байхад шинэ хөлгүүдэд нь сэлбэг хэрэгсэл дутагдаж байгаа. Гэлээ ч Киев гадаадын хөлөг худалдан авсаар байна. Өнгөрөгч оны есдүгээр сар гэхэд л АНУ-ын Эргийн хамгаалалтын алба Киевт 1988 онд барьсан эргүүлийн хоёр Drummond (WPB-1323), Cushing (WPB-1321) хөлөг шилжүүлэн өгсөн.
АНУ бас Украины тэнгисийн цэргийн хүчинд энэ загварын эргүүлийн хоёр хөлөг шилжүүлэн өгөх гэж байна хэмээн мэдээлж байна.