Америкийн тусгаар тогтнолын баяраар Ерөнхийлөгч Дональд Трампыг үг хэлсний дараа Цагаан ордны ойролцоо Black Lives Matter Plaza талбайд цуглаад байсан эсэргүүцэгчид АНУ-ын төрийн далбааг шатаасан байна. Төрийн далбаа шатааж байхдаа зохион байгуулагч Америкийн хувьсгалт коммунист намынхан “АНУ хэзээ ч аугаа том гүрэн байгаагүй” гэж мэдэгджээ. Талбайд, тэдний ойролцоо байсан Америкийн зарим иргэн төрийн далбаа шатаахыг нь хориглох гэсэн боловч чадаагүй гэнэ. Үүнтэй зэрэгцээд АНУ-ын нийслэлийн төвд цагдаагийнхны гарт амь алдсан Жорж Флойдын дурсгалд зориулсан хэдэн зуун хүн оролцсон марш жагсаал болжээ.

"Тусгаар тогтнолын өдрийг ийм байдлаар тэмдэглэхийг хүссэн" гэж зохион байгуулагчид нь мэдэгдсэн байна.
АНУ-ын Ерөнхийлөгч Дональд Трамп үүний өмнө АНУ-ын төрийн далбааг шатаасны төлөө гэмт этгээдийг нэг жилээр хорьж байх хууль батлахыг Сенатад уриалж байсан удаатай. Орегон хотод АНУ-ын анхны ерөнхийлөгч Жорж Вашингтоны хөшөөг нураасны дараа тэр ийм санал гаргаж байсан юм. Сүүлийн жилүүдэд АНУ-ын анхны ерөнхийлөгчийг боол эзэмшигчдийг дэмжиж байсан гэж байнга шүүмжилдэг болоод байгаа юм. Америкийн үндэсний далбааг хамгаалах асуудал олон жилийн турш улс төрийн хүрээллийнхний маргааны сэдэв болоод байгаа. Бүр 1984 онд Георги Жонсон Бүгд найрамдах намынхны хуралдаж байсан байрны өмнө АНУ-ын төрийн далбааг шатааж байсан юм. Үүнийх нь төлөө түүнийг шүүсэн боловч Дээд шүүх "Энэ бол хүн Үндсэн хуулиар тогтоосон үг хэлж, үзэл бодлоо илэрхийлэхийн нэг хэлбэр" гэж тогтоосон гэдэг.