Өөрсдийгөө Донецкийн бүгд найрамдах улс, Луганскийн бүгд найрамдах улс гэгчийг “оросын талд нэгдэх алхам” гэгчийн талаар ямар ч мэдээлэл аваагүй, байхгүй гэж ОХУ-ын ерөнхийлөгчийн хэвлэлийн нарийн бичгийн дарга Дмитрий Песков мэдэгдсэн байна. Түүнийхээр бол Украины зүүн өмнөд нутагт нөхцөл байдал тогтворжоогүй байгаа болохоор Москва тэндхийн хүн амд хүмүүнлэгийн тусламж үзүүлсээр байгаа гэнэ. Донецкийн бүгд найрамдах улсын Ерөнхий сайд гэж өөрийгөө нэрлэсэн, сайн дурын холбооны тэргүүн Александр Бородай саяхан өөрийгөө тунхагласан бүгд найрамдах улс ойрын үед Оросын бүрэлдхүүнд зөвхөн де-факто төдий биш бүр де-юре статусаар орно гэж мэдэгдсэн юм.
Харин Дмитрий Песков “Оросын бүрэлдхүүнд орно гэсэн тухайд надад ямар ч мэдээлэл алга, энэ талаар би юу ч мэдэхгүй байна” гэж даваа гарагт хийлгэсэн хэвлэлийн мэдээлэл дээрээ хэлжээ. Түүнийхээр бол украины зүүн өмнөд нутагт нөхцөл байдал тогтворжих хүртэл хүмүүнлэгийн тусламж үзүүлэх ажлаа Москва үргэлжлүүлсээр байх гэнэ.
Песков бас Донецк, Луганскийн бүгд найрамдах улсын олон иргэн ОХУ-ын иргэншилтэй байгаа гэдгийг онцолсон байна. “Үнэхээр Украины зүүн өмнөд нутагт өөрийгөө тунхагласан энэ улсуудын олон иргэн Оросын иргэншил авсан. Тэд ОХУ-ын иргэн. Бид энэ хүмүүсийг өөрийн нь эх орон сүйрүүүлж амь насанд нь аюултай болсон болохоор бид энэ хүмүүст хүмүүнлэгийн үүднээс оросын иргэншил олгосон юм” гэж Дмитрий Песков хэлжээ.
Украины Ерөнхийлөгч Владимир Зеленский харин олон улсын тавцан дээр хэн ч Украинаас юу ч шаардах , ялангуяа “Донбассын тусгай статусын “ талаар хууль гарах асуудлаар юу ч шаардах ёсгүй гэж мэдэгдсэн.Берлинд болсон хэлэлцээр дээр оросын төлөөлөгчид Киевээс украины Үндсэн хуульд өөрчлөлт оруулах төслөө долдугаар сарын 6-ны дотор гаргаж ирүүлэхийг шаардаж байсан юм.