АНУ-д коронавирусийн халдварын тархалт ноцтой байгаад сэтгэл зовниж байгаа америкчууд өнөөгийн ерөнхийлөгч Дональд Трамп халдварын тархалтыг зогсоож чадаагүй, ийм болохоор түүний өрсөлдөгч Ардчилсан намаас нэр дэвшигч Жо Байденыг төрийн тэргүүн болоосой гэж хүсч байна.
Энэ сарын 12-ноос 15-ны хооронд Fox News телевизээс телефон утсаар авсан санал асуулгаар иргэд ингэж хариуцлжээ.
Санал асуулгад оролцсон нийт иргэдийн 49 хувь нь Байденыг дэмжиж байгагаа илэрхийлсэн бол Трамдыг 41 хувь нь дэмжиж байгаа гэж хариулсан байна. Хоёр нэр дэвшигчийн аль нь ч 50 хувийн босгыг давж чадалгүй, үлдэх 10 хувь нь хэнийг нь дэмжихээ тодорхойлж чадаагүй байна гэжээ.

Трампыг эрчүүдээс таван хувийн илүү дэмжлэг авсан бол харин эмэгтэйчүүдээс Байденыг дэмжиж байгаа гэж 19 хувь илүү санал өгсөн байна. Мөн Байденыг өнгөт арьстан, латин америк гаралтайчууд 1980 оноос 2020 оны хооронд төрөгсөд илүүтэй дэмжиж байгаа гэнэ. Тэд Байдены төлөө Трампаас долоон хувь илүү санал өгчээ.
Ирээдүйн ерөнхийлөгчид ямар чанар илүү байх ёстой вэ гэдэг дээр оюун ухаан, эрүүл сэтгэлгээ гэсэн бол Трампад ийм чанар байгаа гэж санал асуулгад оролцогсдын талаас бага хувь нь үзсэн байна. Харин тэдний 56 хувь нь Байденд ийм чанар байгаа гэсэн бол Трампад ийм чанар байгаа гэж ердөө 36 хувь нь л үзжээ. Бүхэлд нь авч үзвэл Дональд Трампыг дахин сонгоно гэсэн иргэдийн хувь өнгөрөгч хоёрдугаар сард 56 хувь байсан бол саяынхаар 45 хувь болж буурчээ. Санал асуулгад оролцогсдын 61 хувь нь хоёр нэр дэвшигчид сэтгэл хангалуун байгаа бол 33 хувь нь “хэн нь ч жинхэнэ шилдэг биш” гэж үзсэн байна.

Дэд ерөнхийлөгч байсан Жо Байден ирэх арваннэгдүгээр сард болох ерөнхийлөгчийн сонгуульд ялах юм бол улс орныг сүйрүүлнэ гэж өнөөгийн ерөнхийлөгч Дональд Трамп хэлж байсан юм. Трамп тэгэхэд “зүүний ардчилагчид Байденыг бүрэн хянаж, манай орныг устгана. Бид тэднийг мэднэ” гэж хэлсэн юм.
АНУ-ын 46 дахь ерөнхийлөгчийг сонгох сонгууль ирэх арваннэгдүгээр сарын 3-нд болох юм.