Орос коронавиурсын эсрэг гаргаж авсан вакцинаа сайн дурын хүмүүс дээр туршиж дууслаа гэж ОХУ-ын ШУА-ийн сурвалжлагч гишүүн, Батлан хамгаалахын Шинжлэх ухаан, судалгааны 48 дугаар төвийн захирал, биологийн ухааны доктор, анагаах ухааны хурандаа Сергей Борисович “Крассная звезда” сонинд өгсөн ярилцлагадаа мэдэгджээ.
Гамалейн нэрэмжит халдвар, бичил биологийн Шинжлэх ухаан, судалгааны төвийн бүтээсэн вакциныг туршсан 20 хүний сүүлчийнх нь долдугаар сарын 20-ны даваа гарагт эмнэлгээс гарсан байна. Гэхдээ эрдэмтдийн өмнө судалгааны том ажлууд байгаа гэж Борисович онцолжээ. Одоо юакцины нөлөөлөл, үр дүнгийн талаар тайлан бичиж, улсын бүртгэлд бүртгүүлэх ажилд бэлтгэнэ гэжээ.
Туршилтад оролцсон сайн дурынхны хувьд коронавирусын эсрэг дархлаа тогтсон ямар ч сөрөг нөлөөлөл, аюулгүй гэж доктор хэлсэн байна. Энэ бүхнээс үүдээд тус 48 дугаар төв вакциныг коронавирусээс бүрэн хамгаалж чадах, хүний биед аюулгүй гэж дүгнэсэн байна.

Клиникийн өмнөх туршилтад том жижиг төрөл бүрийн амьтдыг оруулсан байна. Шинжлэх ухаан, судалгааны энэ төв өмнө нь чичрэг, Эбола вирус, Ойрхи дорнодын амьсгалын замын синдромын эсрэг вакцин боловсруулж байжээ. Ер нь энэ хүрээлэн байгуулагдсанаасаа хойшхи 80 жилд тарваган тахал, шүлхийн зэрэг хэдэн арван вакцин боловсруулж байжээ.
Туршилтад оролцсон эхний ээлжийн хүмүүс долдугаар сарын 15-нд эмнэлгээс гарсан юм. Мэргэжилтнүүдийн хэлснээр бол вакциныг наймдугаар сарын дундуур зах зээлд гаргаж магадгүй байна.