Эфиопын Амхара мужид зэвсэглэсэн хэсэг хүмүүс бямба гарагт төрийн эргэлт хийхээр оролдсоныг дарж, нөхцөл байдлыг хяналтад авлаа гэж тус улсын Ерөнхий сайдын ажлын албаны дарга Абия Ахмеда мэдэгдсэн байна. Амхара мужийн аюулгүйн албаны дарга Асамин Цигегээр удирдуулсан “Цохилтын отряд” Засгийн газрын хуралдаан болж байхад дайран орж гал нээж мужийн тэргүүн Амбахиу Меконнен шархадсан бол өөр нэг өндөр албаны хүн шархны улмаас нас барсан байна. Үүний дараа Эфиопын армийн штабын дарга Сеаре Меконнен өөрийнхөө бие хамгаалагчдын гарт амь алджээ.

“Холбооны засгийн газар, мужийн засаг захиргаатай хамтраад Амхара мужийн нөхцөл байдлыг өнөөдөр бүрэн хяналтад аваад байна. Тайван амгалан байж буруутай хүмүүст хариуцлага тооцох ажилд бүхий л чадлаараа дэмжлэг үзүүлэхийг ард иргэдэд уриалж байна” гэж Ерөнхий сайдын албаны Twitter хуудсандаа нийтэлсэн мэдэгдэлд дурджээ.
Засгийн газар бас мужийн засгийн газрын тэргүүн Амбахиу Меконнен, түүний зөвлөх Эзеса Вассий, штабын дарга Сеаре Меоннен нар амь үрэгдэж мужийн ерөнхий прокурор Мигбару Кебеде хүнд шархадсаныг албан ёсоор мэдээлсэн байна.