Зөвлөлт холбоот улсын нийслэл Москва хотноо зуны олимп болсны 40 жилийн ойд зориулж Моквагийн музейд “Олимпын бэлгэдлүүд. Москвагийн олимпын 40 жилийн ойд” нэртэй үзэсгэлэн дэлгэсэн байна.
“Олимпийн бэлгэдлүүд” хэсэгт зуны олимпын спортын төрлүүд болон ард түмний найрамдлыг харуулсан 35 бэлгэдэл, зурагт хуудас дэлгэжээ. Зурагт хуудаснууд дээр олимпын бамбарууш, гүйлт, харайлт, усанд сэлэлт, байт харваа, асгасан бөмбөг зэрэг спортын төрлийн бэлгэдлийг дүрсэлсэн байна.
Үзэсгэлэнгийн шилэн хоргуудаас үзэгч олимпын бамбар, Олиимпиад-80-ын далбаа, Роберт Рождественскийн бичсэн сүлд дууллын албан ёсны орчуулгын гар бичмэл, тэмцээн уралдааны үеэр хийсэн гэрэл зургийн сурвалжлагуудыг үзэж болох нь. Энд бас зураач Виктор Чижиковын бүтээсэн олимпын бэлгэдэл бамбаруушийг дүрсэлсэн энгэрийн тэмдэг, зурагт хуудас, зүүлт зэргийг дэлгэн тавьжээ.