Хаант засаглалын хэлбэрийг өөрчлөхийг шаардсан эсэргүүцлийн хөдөлгөөн Испанийн нийслэл Мадридад боллоо гэж The National сонин долдугаар сарын 25-нд мэдээлсэн байна.
Хэдэн арван хүн нийслэлийн төв гудамжаар жагсан “Ардын бүгд найрамдах улс” гэсэн уриа хашгиран явжээ. Жагсаалд оролцогсдын хэлснээр бол тэд “авлигад идэгдсэн хааныг” эсэргүүцэж байгаа гэнэ. Энэ эсэргүүцлийн хөдөлгөөн жагсаалыг каталоны салан тусгаарлагч байгууллага, намууд дэмжиж байгаагаа илэрхийлсэн байна. Испанид хаант засгийг халах талаарх санал асуулгын тухай тус улсын конгрессоор саяхан хэлэлцсэн юм.

Испани нь парламентын засаглалтай ч төрийн тэргүүн нь хаан байдаг. 2014 онд Испанийн хаан Хуан Карлос ширээнээсээ буусны дараа түүний хүү Филипп VI шууд хаан ширээ залгамжилсан юм. Тэгэхэд испани даяар түүнийг эсэргүүцэн жагсаал хөдөлгөөн өрнөж энэ нь тус улсын 60 орчим хотолд үргэлжилсэн юм. Нийслэл Мадрид, Барселон хотын төв талбайд гэхэд л тэр үед 10 мянга гаруй хүн цугларч эсэргүүцлээ илэрхийлж байсан юм. Испанийн өнөөгийн Үндсэн хуулийг 1978 онд баталж байжээ.