ОХУ-ын Ерөнхийлөгч Владимир Путин, Украины Ерөнхийлөгч Владимир Зеленский нар утсаар ярьж “украины дотоод” хямралын тогтворжуулах талаар нухацтай ярилцлаа гэж Кремль албан ёсны сайтаараа мэдээлжээ. Яриа украины талын санаачилгаар болсон байна.
Донбасст гал зогсоох асуудлаар Долдугаар сарын 27-ноос хэрэгжиж эхлэх нэмэлт арга хэмжээ авахаар тохиролцсоныг Путин Зеленский хоёр нааштайгаар үнэлсэн байна. Үүний зэрэгцээ талууд Минскийн холбоо барих хэсгийн хүрээнд хэлэлцээрийн үр ашгийг дээшлүүлэх хэрэгтэй байгаа гэдэг дээр санал нийлжээ. Украины Дээд Радагаар энэ 2020 онд болох орон нутгийн сонгууль явуулах тухай тогтоолоо долдугаар сарын 15-нд батлахдаа Минскийн хэлэлцээр нь үүнтэй зөрчилдөж байгаа учраас эргэн харах шаардлагатай байна гэж Украины эрх баригчид мэдэгдсэнийг ярианы явцад Владимир Путин “тун болчимгүй явдал” гэсэн байна.

Ярианы явцад Путин энэ талаар Зеленскийд минскийн хэлэлцээрийн талаар өөр санал байх ёсгүй гээд “киевийн засаг захиргаа энэ бодит үйлдэлдээ өөрийн гэсэн баталгаа олох ёстой” гэж мэдэгдсэн гэж Кремлийн мэдээлэлд дурджээ.
Хоёр ерөнхийлөгч ярианыхаа үеэр коронавирусын халдварын тархалтын нөхцөл байдлын талаар бас ярилцсан байна.
Украины Ерөнхийлөгч Владимир Зеленский минскийн хэлэлцээрт гарын үсэг зурснаас хойш дөрвөн жил өнгөрөөд байгаа болохоор зарим заалтыг нь өөрчлөх ёстой гэж өнгөрсөн оны арванхоёрдугаар сард хэлж байсан юм. Украины ерөнхий сайдын орлогч Алексей Резников ч энэ долдугаар сарын 9-ний өдөр бас цаг хугацаа өнгөрөхийн хэрээр минскийн хэлэлцээр илүү бодитой биш болж байна, түүнийг эргэн харах цаг болсон гэж мэдэгдсэн юм. Минскийн хэлэлцээрийг эргэн харах шаардлагатай гэсэн Киевийн мэдэгдэлд Москва сэтгэл түгшиж байна гэж ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков долдугаар сарын 17-нд мэдэгдээд байгаа. Түүнийхээр бол “Киевийн удирдлагын энэ байр суурь нь маш аюултай” учраас Украины сөргөлдөөнийг тогтворжуулахад цаг хугацаа алдахад хүргэж магадгүй гэнэ.