Ливийн Үндэсний армийн командлагч Халиф Хафтарын эсрэг хориг тавина гэж АНУ-ын Төрийн департамент сүрдүүлсэн байна. Wall Street Journal хэвлэлийн мэдээлснээр бол ливийн сөрөг хүчний талд оросын “Вагнерын бүлэг” нэртэй хөсний дайчид байлдаж зургадугаар сард Эс-Сидр хотыг эзлэх, нефтийн экспортыг блоклоход тусалсан гэсэн мэдээнээс үүдэж ийм шийдэлд хүрсэн гэнэ.

Америкийн цэргийн тагнуулынхан фельдмаршал Хафтарын Оростой холбоотй асуудлыг мөрдөн шалгаж байгаа юм байна. Триполид төвлөрөөд байгаа төв засгийн газрыг нь албан ёсоор дэмжиж хүлээн зөвшөөрч байгаа Дональд Трампын засаг захиргаа Ливийн үндэсний армийн командлагчийг хэт даврагч лалынхантай холбоотой байж болох юм гэж үзэж байсан юм.
Ливид суугаа АНУ-ын Элчин сайдын яам үүний өмнө өөрийнхөө Twitter хуудсанд “улс орныхоо эдийн засгийг сүйрүүлж байгаа хэн бүхний эсрэг хориг тавьж магадгүй” гэж мэдээлж байсан. Гэхдээ АНУ-ын дипломат төлөөлөгчийн газар ямар хориг тавихаа тодорхой дурдаагүй юм.

WSJ хэвлэлд бичсэнээр бол Халиф Хафтар нь Муаммар Каддафийн үед америкийн иргэншил аваад Виржини мужид амьдарч байсан, өнөөдөр ч АНУ-д 500 мянган ам.доллараар үнэлэгдэх үл хөдлөх хөрөнгөтэй нэгэн юм байна. Тэгэхээр энэ хориг гээд байгаа нь энэ хөрөнгөтэй нь холбоотой байж мэдэх юм.