Умард Солонгосын удирдагч Ким Чен Ун Солонгосын дайны энхийн хэлэлцээрт гарын үсэг зурсны 67 жилийн ойг тохиолдуулан ахмад дайчдын бага хурал дээр үг хэлэхдээ цөмийн хүчин чадал нь БНАСАУ-ын аюулгүй байдлын баталгаа болж “цэргийн аюул, дарамтын ямра нэг хэлбэрээс өөрийгөө хамгаалах” боломж олгож байна гэжээ. “Манай цөмийн найдвартай, үр ашигтай хүчний ачаар манай энэ газар нутаг дээр дахиад хэзээ ч дайн гарахгүй, харин ч үндэсний аюулгүй байдлыг цаашид мөнхөд хангах баталгаа болж байгаа юм” гэж Ким Чен Уны хэлснийг Солонгосын мэдээллийн төв агентлаг иш татсан байна.
БНАСАУ-ын удирдагч энд “Умард Солонгос өөрийнхөө замаар хөгжиж “империалист хүчний дайсагнасан аюул, дарамт шахалтыг даван туулах болно” гэжээ.
БНАСАУ энэ долдугаар сарын 27-нд 1950-1953 он Солонгосын дайнд ялсны баяр, үндэсний баяраа тэмдэглэж байгаа юм. Солонгосын дайн нь байлдсан хоёр тал аль аль нь өөрийгөө ялсанд гэж үздэг түүхэн дэх цорын ганц цэргийн мөргөлдөөн юм.