Дэлхийн хоёрдугаар дайны үед япончуудын бэлгийн боол болж байсан эмэгтэйчүүдэд зориулан Өмнөд Солонгосын Пёнчан хотод шинээр босгосон хөшөө нь олон улсын ёс зүйн хэм хэмжээг зөрчиж улмаар хоёр орны харилцаанд нөлөөлж болзошгүй байна гэж Японы Засгийн газрын ерөнхий нарийн бичгийн дарга Ёсихидэ Суга Токиод энэ сарын 28-нд хийлгэсэн хэвлэлийн бага хурал дээр мэдэгджээ.
“Олон улсын есзүйн үүднээс авч үзвэл энэ зүйд нийцэхгүй. Үнэхээр үнэхээр ийм байвал Япон болон Өмнөд Солонгосын харилцаанд нөлөөлнө” гэж Суга хэлээд юун тухай болохыг тодруулсан сурвалжлагчийн асуултад хөшөөнд дүрсэлсэн өвдөг дээрээ сууж байгаа эрэгтэйн дүр нь Японы Ерөнхий сайд Синзо Абэтэй адилхан байгаа юм гэж хариулсан байна.

Суга бас Өмнөд Солонгос, Японы хоорондох түүхэн санал зөрөлдөөн тогтворжсон гэж үзэж байгаагаа тэмдэглэжээ. Пёнчан хотын ботаникийн цэцэрлэгт босгосон хөшөөнд урт сандал дээр сууж байгаа эмэгтэй, түүний өмнө сөхөрсөн эрэгтэйг дүрсэлсэн юм байна. Энэ хөшөөний утга нь Япон улс дайны үед солонгос эмэгтэйчүүдийг бэлгийн боол болгож байсныхаа төлөө уучлал гуйх ёстой гэсэн утга илэрхийлжэ. Хэвлэл мэдээллийн хэрэгслээр сөхөрсөн эрэгтэй нь Японы Ерөнхий сайд Снзо Абэтэй адилхан байна гэж бичиж байгаа ч цэцэрлэгт хүрээлэнгийн удирдлага үүнийг няцааж байгаа юм.
Энэ эмэгтэйчүүдийг ингэж доромжлон тохуурхаж байсан тухай асуудлаар хоёр улс удаан хугацааны туршид ярилцаж хүнд хүнд хэлэлцээр хийсний дараа 2015 онд гарын үсэг зурж албан ёсоор хаасан юм.