“Гүржийн мөрөөдөл-Ардчилсан Гүрж” намыг үндэслэн байгуулагч, дарга Бизина Иванишвили улсынхаа сонгуулийн системийг өөрчлөх талаар сөрөг хүчнийхэнтэй ярилцаж санал солилцоно гэсэн байна. Эрх баригч намынхан “Ирэх долоо хоног гэхэд парламентын болон парламентын бус улс төрийн хүчнүүдтэй, улс төрийн идэвхтэй хэн бүхэнтэй хуулийн хүрээнд өргөтгөсөн байдлаар зөвлөлдөхөд бэлэн байна” гэж тэр хэлжээ.
Гүржийн Ерөнхий сайд Мамука Бахтазе ч бас зөвхөн хуулийг хүндэтгэдэг сөрөг хүчнийхэнтэй хэлэлцэнэ гэсэн байна. “Бид Үндсэн хууль болон, ирээдүйг хүндэтгэдэг улстөрчидтэй л ярилцана” гэж тэр онцолжээ. Харин хэн өдөөн хатгаж байна, тэдэнтэй бол ярилцахгүй гэж Бахтазе хэлээд тэдэнд хууль хариуг нь өгөнө гэсэн байна.
“Гүржийн мөрөөдөл” намынхан Тбилист болсон эсэргүүцлийн жагсаалынхны тавьж байгаа саналуудаас ганцхан 2020 оны парламентын сонгуулийг пропорциональ системээр явуулна гэсэн саналыг нь хүлээн авна гэж байгаа юм.