Италийн калабрийн мафийн “Ндрангета” бүлэглэлийн толгойлогч Рокко Морабито уругвайн шоронгоос орголоо гэж өмнөд америкийн энэ улсын Дотоод хэргийн яам даваа гарагт мэдээлсэн байна. Морабитотой хамт тус шоронгоос өөр гурван хоригдол оргожээ. Дотоод яамын мэдээлснээр бол тэд дээврийн хөндийгөөр дамжин зэргэлдээ байшингийн байранд нэвтэрч гарсан гэнэ. Энэ үеэр байрны эзэгтэй гэртээ байгаагүй болохоор тэд мөнгийг нь хулгайлан зугтжээ.
Уругвайн хууль сахиулагчид гэмт этгээдүүдийг эрэн сурвалжилж олон улсын хэмжээнд зар түгээсэн гэнэ. Хар тамхины наймаанд буруутгаж байгаа Морабитог ойрын үед Италийн засгийн газрын хүсэлтээр шилжүүлэн өгөх гэж байсан гэж Уругвайн Дотоод хэргийн яам мэдээлсэн байна. Италид хамгийн их эрэн сурвалжилж байсан Морабитог 2017 оны есдүгээр сард Уругвайгаас баривчилсан юм.

 Эх сурвалж: АРДЧИЛАЛ ТАЙМС СОНИН