БНСУ-д коронавирусний “омикрон” хувилбараар халдварласан анхны тохиолдлууд бүртгэгдсэн талаар Солонгосын Өвчинд хяналт тавих, урьдчилан сэргийлэх төвөөс мэдээлжээ.

Тодруулбал, Тус улсын нийслэл Сөүл хотоос баруун зүгт оршдог Инчеон хотод амьдардаг хосууд болон тэдний найзаас авсан нарийвчилсан шинжилгээнээс “омикрон” хувилбар аар халдварласан болохыг нарийвчилсан шинжилгээгээр тогтоогдсон байна. Мөн дээрх тохиолдлуудаас гадна дахин хоёр тохиолдол нэмж бүртгэдэж “омикрон” хувилбараар халдварласан хүний тоо тав болжээ.

Сүүлийн үед тус улсад бүртгэгдэж байгаа халдварын тоо нэмэгдэхээс гадна хурдан тархах эрсдэлтэй “омикрон” хувилбарын тохиолдлууд бүртгэгдэж байгаа нь иргэдийн төдийгүй эрх баригчдийн санааг ихээхэн зовоож байгаа талаар тус улсын хэвлэл мэдээллийн хэрэгслүүд мэдээлж байна.

Одоогоор БНСУ-ын Засгийн газраас “омикрон” хувилбарын тархалтаас урьдчилан сэргийлэх зорилгоор халдвар анх бүртгэгдсэн Африкийн найман орноос ирэх зорчигчдод виз олгох нөхцөлийг хязгаарлахаас гадна тэдгээр орноос ирэх иргэдэд хатуу шаардлага тавихаар шийдвэрлэжээ.

Өмнөд Африкт анх илэрсэн коронавирусний шинэ хувилбар болох “омикрон” нь одоогийн байдлаар дэлхийн 25 улс орон, бүс нутагт бүртгэгдээд байна.

Тодруулбал,

• Австрали - 7
• Австри - 1
• АНУ - 1
• Бельги - 2
• Ботсвана - 19
• Бразил - 2
• Герман - 9
• Дани - 4
• Израил - 4
• Испани - 2
• Итали - 9
• Их Британи - 22
• Канада - 6
• Нигери - 3
• Нидерланда - 16
• Норвег - 2
• Өмнөд Африк - 77
• Португал - 13
• Франц - 1
• Саудын Араб - 1
• Хонконг - 4
• Чех - 1
• Швед - 3
• Япон - 2 
• БНСУ - 5

эх сурвалж: yonhap, reuters, cnn

бэлтгэсэн: Ц.Кастро