Лихула хот дахь оршуулгын газарт байгаа СС-ийнхэнд зориулсан хөшөөг сэргээх нь зүйтэй гэж Эстонийн Ардын консерватив намын төлөөлөгч Ляэнеранна Меэлис Малк өнгөрсөн зургадугаар сард нутгийн өөрийн удирдах ёсны хуралдаан дээр санал гаргаж байжээ. Хөшөө цогцолборыг 2004 оны наймдугаар сарын 20-нд босгосон ч тэр жилийнхээ есдүгээр сарын 2-нд тэр үеийн Эстонийн Засгийн газрын шийдвэрээр буулгасан юм байна. Хөшөөг сэргээх албан ёсны шалтгааныг дурдаагүй ч “Эстонийн эрх чөлөө тусгаар тогтнолын төлөө тэмцэлд оролцогсод”, “үндсэрхэг үзлийн талынхны” санал хүсэлтийг харгалзаж байгаа бололтой. Суурин дээрээ “Большевизмын эсрэг тэмцэж явсан эстонийн эрчүүдэд зориулав” гэсэн бичээстэй, СС-ийн дүрэмт хувцас өмсч гартаа автомат буу барьсан цэргийн хөшөө одоо Лагедийн эрх чөлөөний тэмцлийн музейд байгаа юм байна.
Ардын консерватив намын 200 идэвхтэн өнгөрсөн онд буулгасан хөшөөний яг ижил хуулбарыг тэр оршуулгын газарт босгосон юм байна.