“Жебхат ан-Нусра” бүлэглэлийн зэвсэгт дайчид Сирийн Хмеймим дэх Оросын цэргийн нисэх бааз руу шуурган галын тийрэлтэт зэвсэг ашиглан халдахыг завдлаа гэж ОХУ-ын Батлан хамгаалах яам мэдээллээ. Сирийн Арабын бүгд найрамдах улсын зэвсэгт хүчин тавдугаар сарын 18-ны 00.00 цагаас галаа бүрэн зогсоосон үеэр энэ явдал болсон байна. “Жебхат ан-Нусра” бүлэглэлийн террористууд Идлиб дэх гал зогсоосон бүсэд гал нээх, өдөөн хатгах ажиллагаагаа үргэлжлүүлсээр байна” гэж БХЯ-ны мэдээлэлд дурдсан байна. Нисэх баазын байрлал руу зургаан ч тийрэлтэт сумаар буудсаныг Агаараас эсэргүүцэн хамгаалах хүч аюулгүй болгожээ. Үүний дараа Оросын цэргийнхэн шуурган галын тийрэлтэт сумаар буудах суурь Кафер-Ноблед байгааг илрүүлэн устгасан.

Үүнээс гадна нисэх баазын орчмоос нисгэгчгүй хоёр ч аппарат илрүүлэн устгаж аюулгүй болгожээ. Идлиб мужийг зэвсэгт дайчид өнөө хүртэл хяналтдаа байлгасаар байгаа юм. Өнгөрсөн оны есдүгээр сард Сирид, ялангуяа Идлибт гал зогсоохоор тохиролцсон ч өнөө хүртэл буудалцаан үргэлжилсээр байна.