АНУ-ын сансар судлалын НАСА агентлагийн тэргүүн Жим Брайденстайн телевизийн CBS сувагт ярилцлага өгөх үеэрээ Америкийн сансрын нисэгчид яагаад өнөө болтол Сар луу нисч чадахгүй байгаагийн учрыг тайлбарлажээ. Түүнийхээр бол юуны түрүүнд улс төрийн эрсдэлтэй холбоотой, нөгөө талаар сансрын төслүүдийн санхүүжилт хангалтгүй байгаагаас болж байгаа гэнэ. “Улс төрийн ийм эрсдэл байгаагүй бол бид хэдийнээ Саранд оччихсон байх байсан, нуулгүй хэлэхэд Ангарагт ч хүрчих байсан” гэж Брайденстайн хэлжээ.
Тэр бас 1990-ээд он, 2000 оны эхээр НАСА Сар луу нисэх, Ангарагт буухаар оролдож байсан, ганцхан үүний тулд удаан хугацааны бэлтгэл, ихээхэн санхүүжилт хэрэгтэй байсан гэсэн байна. Энэ бүхий л шалтгаанаас болоод АНУ 2024 он гэхэд ч Ангараг дээр бууж чадахгүйд хүрч байна гэжээ.
Дональд Трампын засаг захиргаа сарны хөтөлбөрийг түргэсгэж, ойрын таван жилийн дотор саран дээр хүн буулгана гэдгээ 2019 онд зарласан юм. Харин НАСА үүнийг 2028 онд хэрэгжүүлэхээр төлөвлөж байсан юм.
Сар луу нисэх энэ хөтөлбөрөө америкчууд грекийн Аполлон бурхны эгч Сарны бурхны нэрээр “Артемида” хэмээн нэрлэсэн байна. АНУ 1969 онд анх Саран дээр нисэгчээ буулгасан хөтөлбөрөө “Аполлон” гэж нэрлэж байсан юм.