Италийн хэд хэдэн хотод ажиллаж байсан хэт барууны үзэлтнүүдээс тус улсын тусгай албаныхан их хэмжээний зэвсэг хураан авлаа гэж Турин хотын цагдаагийн газар мэдээлжээ. Цагдаагийнхан Турин, Милан, Павии, Варезе, Новар хотуудад ажиллан Донбасс дахь байлдааны ажиллагаанд оролцдог хэт даврагчдын үйл ажиллагааг илрүүлсэн юм байна. Хураасан зэвсэг дотор автомат, Катарын армийн зэвсэглэлд байдаг “агаар-агаар” ангиллын пуужин, бусад хөнгөн зэвсгүүд байжээ.

Италийн La Stampa сонины мэдээлснээр бол ажиллагааны үеэр гурван хүн баривчилсны нэг нь Италийн гаалийн ажилтан, бүр 2001 онд сенатад нэр дэвшиж байсан хүн гэнэ.
Донбасс дахь зэвсэгт мөргөлдөөнд оролцсон хэмээн гурван ч хүнийг өнгөрөгч долдугаар сарын эхээр Генуя хотын шүүх яллаж шоронд суулгасан юм.
Украины Донецк, Луганск мужууд 2014 онд тусгаар тогтнолоо зарлан засаглалаа солин Украин тэнд террористуудын эсрэг ажиллагаа явуулснаар зүүн өмнөд нутаг Донбасст зэвсэгт мөргөлдөөн гарч эхэлсэн юм.