АНУ-ын цэргийн нисэх хүчин Невада муж дахь харь гаргийнхан нуугддаг хэмээдэг “51 дүгээр бүс”-ийг харь гаргийнхны ангууч сая сая хүнээс хамгаалахад хүрлээ гэж Цэргийн нисэх хүчний төлөөлөгч Лора Макэндрюс мэдэгдсэнийг The Washington Post сонин нийтэлсэн байна. Лора энэ бааз бол ашиглагдаж байгаа гээд “америкийн зэвсэгт хүчний сургуулилдаг энэ бүс рүү бусдыг нэвтрүүлэхгүй” АНУ-ын цэргийн нисэх хүчин Америкийг, түүний өмчийг хамгаалахад ямагт бэлэн байна гэжээ. Facebook сүлжээний бараг 1,1 сая хэрэглэгч “51 дүгээр бүс” рүү дайрахад бэлдэж байгаагаа бичсэн бол өөр 979 мянган хүн дэмжиж байгаагаа илэрхийлсэн юм байна. Зохион байгуулагч нь есдүгээр сарын 20-нд эхлэх энэ ажиллагаагаа “51 дүгээр бүс рүү дайралт” гэж нэрлээд биднийг хэн ч зогсоож чадахгүй, харь гаргаас ирэгсдийг харцгаая” хэмээн уриалжээ.
АНУ-ын засаг захиргаа “51 дүгээр бүс”-ийг 2013 онд албан ёсоор байгуулж ашиглаж эхэлсэн юм. Тэнд шинэ төрлийн нисэх аппаратуудыг туршиж шалгадаг юм байна. Харин харь гараг сонирхогчид Невада мужийн энэ нууц баазад дэлхийд ирсэн харь гаргийнхныг судалдаг хэмээн бодоцгоодог байна.