Токио, Сөүлийн худалдааны маргааны хүрээнд Өмнөд Солонгосын иргэдийн дунд санал асуулга явуулж үзэхэд хэрэглэгчдийн талаас илүү хувь нь Японы бараа бүтээгдэхүүнийг бойкотлоход санал нэгдэж байгаагаа илэрхийллээ хэмээн Өмнөд Солонгосын хэвлэлд нийтэлснийг Хятадын Синьхуа агентлаг дамжуулсан байна. Энэ удаа судалгаанд оролцсон 503 хүний гуравны хоёр нь Японы бараа бүтээгдэхүүнийг авахгүй байх нь зөв хэмээн мэдэгдсэн нь долоо хоногийн өмнө авсан судалгаагаар бойкотлох санал өгсөн хувиас зургаан хувь өссөн хэрэг байна.

Япон улс Сөүлийн экспортын бараа бүтээгдэхүүнд хязгаар тогтоосны дараа олон нийтийн “Японыг бойкотолъё” хөдөлгөөн эхэлж эх орон нэгтнүүдээ эсэргүүцлийн хөдөлгөөнд нэгдэж байгаагийн илэрхийлэл болгон Японд зорчихгүй байх, улс даяараа японы бүтээгдэхүүнийг худалдан авахгүй байхыг уриалж эхэлсэн юм.
Япон улс телевизор, гар утас болон өндөр технологийн бүтээгдэхүүнд хэрэглэдэг санах ойн чип, дэлгэц зэргээ экспортлоход тавих хяналтаа чангатгасан юм. Үүний хариу болгож Өмнөд Солонгосын Дээд шүүх 1910-1945 онд Японы булаан эзлэлтийн үед японы корпорацуудад ажиллаж байсан хүмүүсийн нөхөн төлбөрийн асуудлыг сөргүүлэн тавьсан нь худалдааны маргааны үүсвэр болсон юм.