Долдугаар сарын 23-нд Их Британийн Консерватив намын даргаар сонгогдсон Борис Жонсон Нэгдсэн хатан хаант улсын Ерөнхий сайд болох нь гарцаагүй боллоо. Жонсонгийн өрсөлдөгч Жереми Хантын төлөө намын гишүүдийн 47 мянга нь саналаа өгсөн бол Борис Жонсонг намын даргаараа сонгоё гэж 92 мянган гишүүн нь дэмжжээ.
Ингэхээр өмнөх Ерөнхий сайд Тереза Мэйгийн бүрэн эрх дуусгавар болох долдугаар сарын 24-нд Борис Жонсон Ерөнхий сайдын албан тушаалд албан ёсоор орох болж байна. Гэхдээ өнөөдөртөө Ерөнхий сайд, Консерватив намын дарга хэвээр байгаа Тереза Мэй Их Британийн парламентын асуултад харилцах хэвээр байна. Мэй парламентад тайлангаа тавиад, хатан хаан Елизавета II –т очсоноор тэр огцруулах шийдвэр гаргана. Үүний дараа л Борис Жонсон сая Ерөнхий сайдын албанд орох юм. Хатан хаан ч үүний дараа л Жонсонд шинэ засгийн газраа бүрдүүлэхийг үүрэг болгоно. Энэ бүх үйл ажиллагаа долдугаар сарын 24-ний орой амжина гэж товлож байгаа юм байна.