Москвад болсон зөвшөөрөлгүй цуглааны үр дүнгийн асуудлаар ОХУ-ын Хүний эрхийн зөвлөл ерөнхийлөгч Владимир Путинд илтгэл бэлтгэж өгсөн байна хэмээн “Эхо Москвы” хэвлэл мэдээлжээ. Хүний эрхийн зөвлөлийн тэргүүн Михаил Федотовын хэлснээр бол Хүний эрхийн хороонд эсэргүүцлийн ажиллагаа зохион байгуулагчид ч, хууль сахиулах байгууллагынхан ч аль аль нь маш бүдүүлэг байсан гэнэ.
Федотов бас бие дааж нэр дэвшсэн ч бүртгүүлж чадаагүй депутат Илья Яшины наймдугаар сарын 3-нд бүх нийтээрээ гудамжинд гарч эсэргүүцлээ илэрхийлье гэсэн уриалгыг шүүмжлээд “энэ бол гарц биш” гэсэн байна.

Москвагийн Тверийн гудамжинд 3500 орчим хүн гаран Москвагийн хууль тогтоох байгууллага Думын сонгуульд сөрөг хүчнийхнийг бүртгэхээс татгалзсан, улмаар өөр олон тооны зөрчил байгааг эсэргүүцэн жагссаны 1074 хүнийг нь цагдаагийнхан саатуулсан юм байна. Тэдний 700 орчим нь сэтгүүлчид, блогчид байсан гэж долдугаар сарын 28-нд Москвагийн Дотоод хэргийн удирдах газрын хэвлэлийн алба мэдээлсэн байна. Тэгээд ч хууль зөрчсөн хүмүүсийн 600 нь москвагийн иргэн биш байсан гэж энд бас дурджээ.