ОХУ-ын Батлан хамгаалах яам, Ираны Зэвсэгт хүчний жанжин штаб хоёр талын хамтын ажиллагаагаа өргөжүүлэх асуудлаар санамж бичигт гарын үсэг зурлаа гэж Ираны Тэнгисийн цэргийн хүчний командлагч Хосейн Ханзади мэдэгдсэн байна. Түүнийг Орост айлчилж Санкт-Петербургт болсон Оросын тэнгисийн цэргийн флотын өдрийн баярын ажиллагаанд оролцох үеэр эдгээр баримт бичигт гарын үсэг зурсан гэж онцолжээ. “Энэ бол харилцан ойлголцлын анхны баримт бичиг. Ингэснээр Москва, Тегеран хоёрын батлан хамгаалах салбарын харилцаанд эргэлт гарна гэж үзэж болно” гэж Ханзади хэлсэн байна.
Ханзади үүний өмнө бас Орос, Иран хоёр Ормузын буланд цэргийн хамтарсан хээрийн сургуулилалт хийж магадгүй, мөн Каспийн тэнгист батлан хамгаалах хүрээнд харилцаагаа бэхжүүлнэ гэж байсан юм.