Цагаачлалын урсгалыг зохицуулах талаар авсан арга хэмжээний дүнд Мексик, АНУ-ын хил дээрх дүрвэгсдийн тоо тавдугаар сараас хойш 40 хувь буурлаа гэж Мексикийн Гадаад хэргийн сайд Марсело Эбрард мягмар гарагт мэдэгдсэн байна. “Бидний үзэж байгаагаар энэ сард бид 87 мянган цагаач л хойд хил дээр бөөгнөрөөд байна. Тавдугаар сард тэд чинь 144 мянга байсан юм. Ингэхээр энэ бол тодорхой хэмжээгээр буурч байна” гэж сайдын хэлснийг La Vanguardia хэвлэл эш татжээ.
Мексикийн Үндэсний батлан хамгаалахын сайд Луис Кресенсио хөрш орноодоо хөвөрсөн цагаач дүрвэгсдийн урсгалыг зогсоохоор АНУ-ын хил рүү зургадугаар сарын сүүлчээр 15 мянган цэргийн албан хаагчаа илгээсэн юм.

Энэ хүртэл Мексикийн 6.3 мянган хүнтэй Үндэсний гвардын салаа л хил орчимдоо эргүүл хийж байсан юм. Дайчид аюулгүй байдал сахиулах, гадаад иргэдийн бичиг баримтыг шалгахад цагаачлалын албаныханд тусалж байжээ. Мексикийн Гадаад хэргийн яамны мэдээлж байгаагаар бол зөвхөн энэ оны нэгдүгээр улиралд Төв Америкийн болон Карибын тэнгисийн орнуудаас АНУ-ыг чиглэсэн 300 мянга орчим дүрвэгч тус улсын хил дээр бөөгнөрөн хүндрэл учруулсан юм байна.