АНУ-ын Батлан хамгаалахын сайд Марк Эспер Ази тивд дунд тусгалын газрын пуужин байрлуулах санааг дэмжиж байна гэж мэдээллийн Agence France-Presse агентлаг мэдээлжээ. Тэрээр Сингапурт ажил хэргийн айлчлал хийхээр явахынхаа өмнө АНУ Дунд болон ойрын тусгалтай пуужин устгах гэрээнээс гарсан тухай асуултад хариулахдаа ингэж мэдэгдсэн байна. Азид ийм пуужин байрлуулах асуудлыг аль болох ойрын хугацаанд бүр ойрын хэдэн сард шийдэх бодолтой байгаагаа хэлжээ. Гэхдээ энэ ажил их хугацаа шаардана гэж онцолсон байна.