Украины ерөнхийлөгч Владимир Зеленскийн харьяалдаг “Ард түмний зарц” намын тэргүүн, Дээд Радагийн тэргүүн нэр дэвшигч Дмитрий Разумков Донбассыг эргүүлж авахад хууль ёсны арга ямар ч нэмэргүй гэж “Коммерсантъ” хэвлэлд ярилцлага өгөхдөө мэдэгджээ.
Түүнийхээр бол Украины зүүн өмнөд нутагт болж байгаа мөргөлдөөн нь улс орны нь хамгийн гол тулгамдсан асуудал юм байна. “Бид бүгдээрээ л Донбасс, Крымыг Украиндаа эргүүлэн авахыг хүсч байна. Харамсалтай нь энэ бүхнийг хуулийн дагуу шийдэж болохгүй” гэж тэр онцолжээ.

Разумков тэгээд энэ бүх “түр эзлэгдээд байгаа” нутгийг эргүүлж авахын тулд хэд хэдэн дэс дараатай арга хэмжээ авах ёстой гэжээ. Юуны түрүү дипломат ажиллагаа, хоригоор дарамт үзүүлэх, дотоод улс төрийн асуудлыг шийдэх, авлигатай тэмцэх, мэдээллийн улс төр, эдийн засаг дэд бүтэц, нийгмийн бодлого гэсэн байна.
Намын дарга Украины тал ч гэсэн энэ дайныг эцэс болгохыг хүсч байна, “гэхдээ энэ үйл явдалд оролцож байгаа бүхий л тал ингэхийг хүсэхгүй байгаа нь харагдаж байна” гэж намын тэргүүн хэлжээ.