ОХУ-ын Красноярскийн хязгаарын Ачинскийн районд галт хэрэгслийн агуулах дэлбэрсний улмаас есөн хүн бэртэж шархадсаны дөрвийг нь эмнэлэгт хэвтүүлсэн бол бусдад нь эмнэлгийн тусламж үзүүлээд гэрт нь илгээсэн байна. Каменка тосгоноос холгүй байдаг их бууны сум хэрэгсэл, дарин цэнэг хадгалдаг агуулахад даваа гаргийн үд дунд дэлбэрэлт болсон юм. Дэлбэрэлтийн дараа түймэр гарсныг гал сөнөөгчид унтраахаар ажиллаж байна. Гал сөнөөгчдөөс нэг нь түлэгдлийн гэмтэлтэй эмнэлэгт хүргэгджээ.
Районы засаг захиргаа онцгой байдал зарлан ойролцоох дөрвөн ч суурингийн ард иргэдийг Ачинск руу нүүлгэн шилжүүлж байна. Тэнд одоогоор 500 хүнийг түр байранд оруулжээ.