АНУ хөдөө аж ахуйн бүтээгдэхүүндээ тогтоосон татвараа буулгахгүй байгаатай холбогдуулан Хятад энэ төрлийн бүтээгдэхүүн америкаас худалдан авахаа түр хугацаагаар зогсоолоо гэж Синьхуа агентлаг даваа гарагт мэдээлсэн байна. Энэ мэдээлэлд энэ бол БНХАУ-ын 300 тэрбум ам.долларын бараа бүтээгдэхүүнд 10 хувийн татвар тогтоосны хариу алхам гэж дурджээ.
“Америкийн хөдөө аж ахуйн бүтээгдэхүүнүүдэд ногдуулсан татварыг наймдугаар сарын 3-ны хэлцлийн дараагаар нэмэхийг бодохгүй байна. Харин хятадын аж ахуйн нэгжүүд АНУ-аас хөдөө аж ахуйн бүтээгдэхүүн авахаа хэдийнээ зогсоогоод байна гэж БНХАУ-ын Төрийн зөвлөлийн Үнэ тарифын хороо” тэмдэглэжээ.
“Хятадын 300 тэрбум ам.долларын бүтээгдэхүүнд америкийн тал саяхан нэмэлт 10 хувийн татвар ногдуулсан нь японы Осакад АНУ, БНХАУ-ын уулзаж зөвлөлдсөнийг ноцтой зөрчиж байгаа юм” гэж энэ мэдээлэлд дурдсан байна.
БНХАУ-ын Хөгжил шинэтгэлийн улсын хороо болон Арилжааны яамны эх сурвалжаас аван Синьхуа агентлагийн мэдээлснээр бол Хятадын тал АНУ-г хоёр орны удирдагчийн зөвлөлдсөн нөхцөлийг биелүүлнэ, “хоёр улсын хөдөө аж ахуйн салбар дахь хамтын ажиллагааг хөгжүүлэхэд таатай орчин нөхцөл бүрдүүлнэ” гэдэгт найдаж байгаа юм байна.