Гонконг дахь салан тусгаарлах үзэлтнүүд, тэдний удирдлагуудтай холбоо харилцаа тогтоож манай дотоод хэрэгт хөндлөнгөөс оролцлоо хэмээн буруутгаж байгаа ч манай дипломат ажилтнуудын аюулгүй байдлыг хангаж хамгаалахыг АНУ уриалж байна хэмээн америкийн Гадаад хэргийн яамны хэвлэлийн албаны тэргүүн Морган Ортэгус өөрийн twitter хуудсандаа бичсэн байна.

“Гонконг дахь манай дипломатуудын байдлын талаар хятадын хэвлэлүүдээс үзвэл маш хариуцлагагүй хандаж байсан бол одоо бүр аюултай байдалд хүрээд байна. Үүнийг таслан зогсоох ёстой. Манай консулын ажилтнууд яг л бусад оронд ажилладаг шигээ өөрийнхөө үүргийг биелүүлж байгаа гэдгийг Хятадын эрх баригчид сайн мэдэж байгаа” гэсэн байна.
Ортэгус бас “Хятадын эрх баригчид өөрийн хүлээн зөвшөөрсөн Венийн конвенцын дагуу манай дипломатуудын эрх чөлөө нэр хүндийг нь хүндэтгэж, тэднийг ямар нэг халдлагаас хамгаалах бүхий л арга хэмжээг авах ёстой” гэж мэдэгджээ. БНХАУ-ын Гадаад хэргийн яамны төлөөлөгч Хуа Чуньин үүний өмнөхөн АНУ-ын эрх баригчид Гонконгт болж байгаа үйл явдал болон Хятадын дотоод асуудалд хөндлөнгөөс оролцохоо нэн даруй зогсоох ёстой гэж мэдэгдсэн юм. БНХАУ-ын Гадаад хэргийн яамны Гонконг дахь комиссариатын газар пүрэв гарагт АНУ-ын ерөнхий консулын газрын удирдлагыг яаралтай дуудан нутгийн салан тусгаарлагчдын удирдлагуудтай холбоо харилцаа тогтоож байгааг чинь шийдвэртэй эсэргүүцэж байна гэж мэдэгдсэн байна.

Гонконгийн эрх баригчид гэмт хэрэгтэн, сэжигтнүүд, эрэн сурвалжлагдаж байгаа хүмүүсийг эх газрын Хятадад шилжүүлэн өгөх хуулийн төсөл хэлэлцэж эхэлснээс үүдээд хоёр сарын өмнөөс энд орон нутгийн эрх баригчдыг эсэргүүцсэн олон нийтийн хөдөлгөөн өрнөж эхэлсэн юм. Олон нийтийн эсэргүүцлээс болоод амбан захирагч Кэрри Лам хуулийн төслийг хэлэлцэхээс татгалзсан ч Засгийн газрын эсрэг эсэргүүцлийн хөдөлгөөн зогсохгүй үргэлжилсээр байгаа юм.