Оросын их дээд сургуулиуд ирээдүйд 2021 оноос эхлэн хиймэл оюун ухааны тусламжтайгаар оюутнуудаа үнэлж сул сурлагатай оюутнуудаа хасдаг болно гэж Центра EDCrunch University төвийн тэргүүн Нурлан Киясов РИА Новости агентлагт мэдээлсэн байна. Хиймэл оюун ухаан оюутнуудын оруулсан тоон мэдээлэл дээр үндэслэн тэдний сурлагын амжилт төдийгүй хичээл, лекцүүдэд оролцсон идэвх, нийгмийн амьдралын оролцоо, ерөнхий төлөв зэргийг үнэлж байх гэнэ.
Сервист ирж байгаа энэ бүх мэдээллийг үндэслээд сургуулийн удирдлага, багш нар оюутнуудад суралцах идэвхээ сайжруулах, нэмэлт курсуудэд суух, лекцүүдээ таслахгүй идэвхтэй оролцох, ямар нэг алдаа дутагдлаа засах үүрэг даалгавар өгч байх юм байна.

Энэ программыг хэд хэдэн сургууль авах гэж байгаагаа энэ жилээс эхлэн нэвтрүүлж 2021 он гэхэд үр дүнг нь туршин ашиглаж эхлэх юм байна. Гэхдээ хиймэл оюун ухааны заавар чиглэлийг заавал биелүүлэх шаардлагагүй, оюутны хувь заяатай холбоотой эцсийн шийдвэрийг деканы газар гаргаж байх болно гэдгийг EDCrunch University-ийн захирал онцолсон байна.
ОХУ-ын Боловсролын яамны мэдээгээр 2018 онд оросын их дээд сургуулиуд нийт оюутныхаа 16.8 хувийг янз бүрийн шалтгаанаар сургуулиас хассан юм байна.