Олон улсын валютын сангийн тэргүүн Кристин Лагард худалдааны дайнд ялагч байхгүй гэж онцоллоо. Түүнийхээр бол АНУ, Хятадын харилцаан дахь худалдааны хурцадмал байдал шийдэгдэх байх гэнэ.
“Аливаа худалдааны дайнд бүхий л талууд, түүн дотор энд оролцохгүй байгаа талд ч шууд, шууд бусаар нөлөөлнө. Худалдааны дайнд хэн ч ялахгүй, миний бодлоор бол үүнээс болж бид бүхнийг алдаж байгаа юм” гэж ОУВС-гийн тэргүүний пүрэв гарагт хэлснийг РИА Новости агентлаг эш татжээ.

Ийм хурцадмал байдал нь эдийн засгийг, аж ахуйн нэгжийн бизнесийг л гацаанд оруулна гэжээ.
Дэлхийн том эдийн засагтай хоёр гүрэн АНУ, Хятад ирэх зургадугаар сараас эхлэн нийтдээ 360 тэрбум ам.долларын бараандаа ногдуулах татвараа харилцан нэмэх нь пүрэв гарагт тодорхой болсон юм. Бээжин, Вашингтоны хоорондох худалдааны дайн 2018 оны долдугаар сараас хойш үргэлжилж байгаа юм. Тэгэхэд хоёр улс гаалийн татвараа 25 хувь болгосон юм.