Украины Батлан хамгаалах яамын тагнуулын удирдах газар Оросын зүгээс ирж болох түрэмгийллийн төлөвлөгөөний талаар нийтлэхдээ ОХУ-ын зэвсэгт хүчин ерийн нэг стратегийн зэвсэг биш, үүнээс ч хүчтэй цөмийн цэнэг ашиглана гэжээ. Украины Батлан хамгаалах яамны мэдээлснээр бол Орос, Крымд таван хөлөг онгоц, зургаан усан доогуур шумбагч, ийм цэнэгтэй пуужин тээвэрлэх чадалтай 12 бөмбөгдөгч байршуулаад байгаа гэснийг “Радiо Свобода” мэдээлжээ.
Украины тагнуулын албаны мэргэжилтнүүд бас Оросын зэвсэгт хүчин өөрийн нь хил дээр тактикийн 500 нисэх онгоц, дайрагч 400 нисдэг тэрэг байруулсан, энэ бол манай нутаг руу өргөн хүрээтэй дайрах зорилготой гэсэн байна.

Үүний дараа газрын дайралт үргэжилж магадгүй юм. “Тэд өнөөдөр бригадын тогтолцооноос татгалзаж дивизийн тогтолцоо руу шилжиж байна. Бас оперативын командлалын зарчмаас татгалзан цэргийн тойргийн удирдлагад шилжсэн. Энэ хүрээндээ оператив-стратегийн хоёр чиглэл байгуулсан. Энэ бүхэн бол цэргийн энэ бүлэглэл дайнд бэлтгэж байгааг харуулж байна” гэж Украины ерөнхийлөгчийн тамгын газрын даргын орлогч Иван Апаршин ярьсан байна.
Апаршин үүний өмнө бас Украин өнөөдөндөө НАТО-д нэгдээгүй байгаа болохоор болзошгүй дайралт, түрэмгийлэлд бэлэн байж, ер бусын арга хэрэглэх ёстой гэж мэдэгдэж байсан юм.
Украинд 2014 онд засгийн газар солигдсоноос хойш ОХУ, Украины харилцаа эрс хурцдаад байгаа юм. Украины тал болохоор украины зүүн өмнөд нутагт болж байгаа зэвсэгт мөргөлдөөнд Оросыг хөндлөнгөөс оролцож байна, Крымыг бүх нийтийн санал асуулга явуулан өөртөө нэгтгэсэн гэж буруутгадаг юм. Гэвч Кремль энэ бүхнийг буруутгадаг юм.