Сөрөг хүчнийхэн засгийн эрхийг булаахаар оролдлоо гэж Абхазын Ерөнхийлөгч Рауль Хажимба тавдугаар сарын 21-нд ард түмэндээ хандаж албан ёсоор мэдэгдлээ.
“Сөрөг хүчнийхэн улс төр, нийгмийн нөхцөл байдлыг хурцатгаж байна. Сүүлийн өдрүүдэд тэд засгийн эрхийг булаан авахыг оролдож, сөрөг хүчний удирдагчид үүнийгээ ардчиллын үйл явц гэж тайлбарлахыг оролдож байна” гэж Абхазын Ерөнхийлөгч илгээлтдээ дурджээ. Тавдугаар сарын 20-нд Абхазын сөрөг хүчнийхэн нийслэл Сухумид парламентын ордны дэргэд “Хүлцэнгүй байдлын хөдөлгөөн”-ийг хугацаагүй зарлаад байгаа юм. Ерөнхийлөгчийн сонгуульд нэр дэвшигчийн нэгнийх нь бие муудаад байхад сонгуулийн товыг парламент өөрчлөөгүй нь сөрөг хүчнийхнийг ийн эсэргүүцэл зарлахад хүргэсэн байна. Сөрөг хүчнийхэн энэ хөдөлгөөнийг бүхий л Абхаз даяар өрнүүлж, авто замуудыг хаахыг уриалжээ.

Абхазын Ерөнхийлөгчийн сонгуульд сөрөг хүчнээс нэр дэвшсэн Аслан Бжани бие нь муудаж дөрөвдүгээр сарын 18-нд Москвагийн нэгэн эмнэлэгт очсоноос энэ эсэргүүцлийн хөдөлгөөн эхэлсэн юм. А.Бжанийн хамтран зүтгэгчид түүний цуснаас их хэмжээний мөнгөн усны агууламж илэрсэн гэж баталж байгаа юм.