Гонконгт болж байгаа эрх баригчдыг эсэргүүцсэн хөдөлгөөнийг зохион байгуулагч гол хүмүүсийг БНХАУ-ын Засгийн газар нэрлэсэн байна. Хятадын Коммунист намын Төв хорооны улс төр хуулийн комиссын албан сайтад нийтэлсэн өгүүлэлд Гонконгт болж байгаа эмх замбараагүй байдлыг АНУ-ын төлөөлөгчдийн оролцоотойгоор зохион байгуулж байна гэжээ.
“Жунго чанъаньван” сайт дахь өгүүлэлд “Гонконгийн эмх замбараагүй байдлыг зохион байгуулж байгаа “гол дээрэмчин” нь эрүүл мэндийн магнат, Хятадын засгийн газрыг шүүмжилдэг, сөрөг хүчний “Пинго жибао” сонины эзэн Жимми Лаи гэж бичсэнийг ТАСС агентлаг мэдээллээ.

Хэвлэлд бичсэнээр бол Лаи өөрийн америк туслах Марк Саймонаар дамжуулан АНУ-ын улс төрийн элитүүдтэй нягт холбоотой гэнэ. Түүнийг долдугаар сарын эхээр америкт очиход нь АНУ-ын дэд ерөнхийлөгч Майк Пенс, Төрийн нарийн бичгийн дарга Майкл Помпео нар хүлээн авч уулзсан гэж энд бичжээ.
Эсэргүүцлийн хөдөлгөөн зохион байгуулагчдын нэрс дунд Лайгаас гадна Гонконгийн ардчилсан намын дарга Мартин Ли, английн колонийн үед засаг захиргааны ерөнхий нарийн бичгийн дарга буюу хоёрдугаар хүн” байсан Энсон Чан, Хятадад эх оронч ардчилсан хөдөлгөөнийг дэмжих Гонконгийн нэгдлийн тэргүүн Альберт Хо нарыг нэрлэсэн байна.
Гэмт хэрэгтэн сэжигтнийг эх газрын хятадад шилжүүлэн өгөх тухай хуулийн төслийг эсэргүүцсэн Гонконг дахь эсэргүүцлийн хөдөлгөөн зургадугаар сараас эхэлсэн юм. Эрх баригчдын эсрэг эхэлсэн энэ хөдөлгөөн бүхэлдээ эх оронч цуглаан жагсаал болж хувирсан юм.