Гадаадаас ирж байгаа иргэд машиндаа жимс, хүнсний ногоо, цэцэг, гацуур тээвэрлэн явах шинэ журам Орост энэ наймдугаар сарын 19-нөөс эхлэн хүчин төгөлдөр боллоо.Энэ журам 2022 оны нэгдүгээр сарын нэгнийг хүртэл хүчин төгөлдөр байх юм.
Журамд зааснаар бол одооноос оросууд машиныхаа тээш, гар ачаандаа эрүүл ахуйн сертификатгүйгээр үр, төмс л биш бол таван кг-аас илүүгүй бүтээгдэхүүн авч явж байхыг зөвшөөрч байна. Харин самар, улаан лооль, өргөст хэмх, лууван, төрөл бүрийн байцай, сонгино зэрэг хүнсний ногоог хориглож байгаа юм.
Ургамлын тухайд шинэ жилийн гацуур, модны навчаар хийсэн хэлхээ орж байна. Үүнээс гадна тус бүртээ 15-аас илүүгүй цэцэгтэй, цэцгийн баглаа гурваас илүүг авч явж болохгүй юм байна. Зөрчсөн тохиолдолд бүтээгдэхүүнийг тухайн улсад нь буцаах буюу хураан авч устгана. Энэ шинэ дүрэм журам бүх төрлийн тээврийн хэрэгсэл, шуудангийн илгээмжид ч хамаатай юм байна.