Венесуэлийн зэвсэгт хүчин болзошгүй аюулыг няцаахад байнга бэлэн байж, эгнээнийхээ эв нэгдлийг хадгалах ёстой гэж Боливарын бүгд найрамдах улсын Ерөнхийлөгч Николас Мадуро мягмар гарагт мэдэгджээ. “Бүхий л командлалын бүрэлдэхүүн ийм ёс зүй, сахилгатай байхыг би хэлж байна. Энхтайван, эрхээ хамгаалахад 24 цаг бэлэн байх ёстой. Хэрэв урвагч байвал түүнийг нэн даруй саатуулах хэрэгтэй” гэж тэр хэлснийг Union Radio радио дамжуулсан байна.

Улс орон даяар Н.Мадурогийн Засгийн газрыг эсэргүүцсэн хөдөлгөөн өрнөсний дараа цэргийн хэсэг хүмүүс сөрөг хүчний удирдагч Хуан Гуайдогийн талд орсон юм. Эсэргүүцлийн хөдөлгөөнийхөн хүчний байгууллагынхантай мөргөлдөх үеэр хэдэн зуун хүн өртөж таван хүн нас барсан. Засгийн газрын бус байгууллагын мэдээлснээр энэ үеэр 340 шахам хүнийг баривчлан саатуулсан юм. Энэ хөдөлгөөнд оролцсон хэмээн Венесуэлийн зэвсэгт хүчнээс 55 хүнийг халсны дотор тус улсын Үндэсний тагнуулын газрын дарга Мануэль Фигера ч байгаа юм.