Оросыг дэлхийн тэргүүлэх долоон орны бүлэгт эргэн ирж, энэ бүлгийг “Их-8”-ын хэлбэрээр сэргээхэд татгалзахгүй гэдгээ АНУ-ын Ерөнхийлөгч Дональд Трамп мэдэгдсэн байна. “Энэ бүлэгт Оростой хамт байх нь илүү тохиромжтой гэж би бодож байна” гэж америкийн тэргүүн хэлээд оросын саналыг дэмжиж байгаагаа илэрхийлжээ.
Тэр бас энэ үеэрээ АНУ-ын ерөнхийлөгч Барак Обамагийн үед Оросыг “Их-8”-аас хассан гээд, харин ч Владимир Путин “түүнийг давж гарсан” гэсэн байна.

ОХУ-ын Ерөнхийлөгч Владимир Путин үүний өмнө Францын ерөнхийлөгчтэй уулзах үеэрээ “Их-7”-ийн орнуудтай үр ашигтай холбоо харилцаатай байдгаа илэрхийлээд “Их-8”-д эргэн орохоо үгүйсгэхгүйгээ хэлсэн. Гэхдээ хоёр орны тэргүүний хэлэлцээрийн үед энэ талаар В.Путин энэ бол “эцсийн зорилго” биш гэсэн юм байна.
Украин, Крымд 2014 онд болсон үйл явдлын дараа ОХУ-ыг дэлхийн тэргүүлэх долоон орны уулзалтад урихаа больсон юм.
Канадад 2019 оны зургадугаар сард болсон “Их-8”-ын дээд хэмжээний уулзалт дээр АНУ-ын Ерөнхийлөгч бас Оросыг ийм уулзалтуудад эргүүлж авах хэрэгтэй гэж нэг биш удаа мэдэгдэж байсан юм.

ОХУ-ыг “Их-8”-д эргэн орох болзлыг Пушков нэрлэлээ

Оросыг “Их-8” эргүүлэн авах нь зүйтэй, оросгүйгээр олон улсын олон асуудлыг шийдвэрлэх боломжгүй байна гэж АНУ-ын Ерөнхийлөгч Дональд Трамп мэдэгдсэнийг ОХУ-ын Холбооны зөвлөлийн гишүүн Алексей Пушков өндрөөр үнэлсэн байна.
Сенатч АНУ-ын тэргүүний саналыг эрүүл, зөв санал гээд ганцхан энэ нь Оросын эсрэг тавьсан эдийн засгийн хоригуудтай ямар холбоотой вэ гэж асуусан байна.
Пушков “АНУ-ын зүгээс Оросын эсрэг тавьсан 70 төрлийн хоригийг яах вэ гэдэг асуудал ойлгомжгүй үлдэж байна. Эхлээд хоригоосоо татгалзах эсэх тухай яриад дараа нь “Их-8”-ын тухай ярилцъя” гэжээ.