Италийн ерөнхийлөгч Сержо Матарелла мягмар гарагт Сайд нарын зөвлөлийн дарга Жузеппе Контегоо огцрууллаа хэмээн италийн Rai24 телевиз дамжууллаа. Тэрээр засгийн газрын тэргүүнийг огцруулахдаа шинэ засгийн газар бүрдтэл Ерөнхий сайдын үүргээ гүйцэтгэж байхыг хүссэн байна. Ерөнхийлөгч Матарелла лхагва, пүрэв гаргуудад италийн гол гол улс төрийн хүчний удирдлагуудтай уулзахаар төлөвлөжээ.

Засгийн газрын тэргүүн Конте мягмар гарагт сенатад үг хэлэхдээ албан тушаалаасаа огцрохоор шийдсэнээ мэдэгдээд “Сенат энэ талаар хэлэлцсэний дараа би Ерөнхийлөгчид хандаж хүсэлтийг минь хүлээн авна гуу гэж хүснэ” гэсэн юм.
Эрх баригч эвслийн нэг түнш “Лига” намаас Засгийн газарт итгэл хүлээлгэх эсэх тухай асуулга тавьсны дараа Конте ийнхүү огцрохоор шийдвэрлэсэн байна. Энэ намын удирдлагууд ч Ерөнхий сайдыг удаа дараа шүүмжилж байсныг бас харгалзсан гэнэ. “Ингээд энэ засгийн газрын үйл ажиллагаа өндөрлөж байна” гэж Конте мэдэгджээ.
Контег сенатад үг хэлэх үеэрээ “Лига” намын тэргүүн, Ерөнхий сайдын орлогч Маттео Сальвини, “хариуцлагагүй”, бусад сайд нарын ажилд хөндлөнгөөс оролцдог хэмэнэ шүүмжилжээ.