АНУ-ын Засаг захиргаа гадаад орнуудад үзүүлэх тусламжаа хорогдуулах боломжийн талаар судалж байна, энэ талаараа Цагаан ордон ойрын үед зарлана гэж америкийн тэргүүн Дональд Трамп Румыны ерөнхийлөгч Клаус Йоханнистай уулзах үеэрээ мягмар гарагт мэдэгдсэн байна.
Д.Трамп “Бид энэ асуудлыг янз бүрээр, бүгд найрамдахчуудтайгаа ч, ардчилсан намынхантай ч ярьж хэлэлцэж байна” гээд “сайндаа л дараа долоо хоногт” тодорхой болно гэжээ.
Д.Трампын засаг захиргаа олон улсын тусламжид зарцуулдаг хөрөнгөө 4.3 тэрбум ам.доллароор танах гэж байна хэмээн Politico сонин үүний өмнө мэдээлж байсан юм. Энэ нь америкийн олон улсын хөгжлийн агентлаг олон улсын тусламжид зарцуулдаг төсвөөсөө 2.3 тэрбум, өөр Төрийн департаментын олон улсын тусламжийн хөтөлбөрөөс хоёр тэрбумыг танах тухай яриа юм.

Гадаад орнуудад үзүүлдэг тусламжаас танах гэсэн санаанаасаа татгалзахыг хоёр намаас хууль тогтоох байгууллагад байгаа гишүүд Цагаан ордонд уриалаад байна. АНУ-ын засаг захиргаа бүр өнгөрсөн онд ийм санал гаргаж байсан ч хоёр намын төлөөлөгчдийн эсэргүүцлээс болоод хэрэгжүүлээгүй өнөө хүрсэн юм.