Америкийн Холливудын Warner Brothers Pictures кино студи “Матрикс” киноныхоо дөрөв дэх хэсгийг хийхээр Киану Ривз, Керри-Энн Мосс нарыгаа урьж бага цуглуулж байна хэмээн тус компанийн төлөөлөгч Тоби Эммерихийн эх сурвалжаас авснаа Variety со хэвлэл дамжуулсан байна.
Шинээр хийх киноны Неогийн дүрд африк гаралтай америк жүжигчин Майкл Б.Жорданыг тоглох гэж байна хэмээн хэвлэлүүд бичиж байсан юм.
Дөрөвдэх “Матрикс”-ын зохиолч найруулагчаар Лана Вачовский ажиллаж байгаа ч зохиол бичихэд нь Александр Хемон, Дэвид Митчелл нар бас оролцсон юм байна.
“Ланатай хамт “Матрикс”-даа эргэн уулзаж байгаадаа бид баяртай байна. Лана бол жинхэнэ бүтээлч, алсын хараатай найруулагч, түүнийг шинэ матрицагийн минь зохиолч, найруулагч, продюссерээр ажиллах болсон бид баяртай байгаа” гэж Эммерих мэдэгджээ.

Эх сурвалжийн хэлснээр бол киноны зураг авах ажил 2020 оны эхээр эхлэх юм байна. “20 жилийн өмнө Лили бидний ярьж байсан олон сайхан санаа өнөөдөр бодит зүйл болчихлоо. Тэгэхээр энэ бүх үйл явдалдаа эргэн олчиж энэ бүхнийгээ энэ сайхан нөхөдтэйгөө хамтран ажиллах сайхан боломж олдсонд талархахаас яах вэ” гэж Вачовски хэлсэн байна.
Бүхий л зохиолыг нь Лана Вачовски, эгчтэйгээ хамтран бичиж Ривз, Мосс нарын гол дүрд нь тоглосон “Матрикс”, “Матрикс: Хэт ачаалал”, “Матрикс: Хувьсгал” гэсэн өмнөх гурван кино дэлхий дахины прокатаас 1.6 тэрбум ам.доллар цуглуулсан юм.