ОХУ 100-гаас дээш настнуудынхаа тоогоор өмнөх онтой харьцуулахад өссөн үзүүлэлттэй гарлаа гэж Оросын Статтистикийн газар мэдээлснийг “Известия” сонин нийтэлжээ.
2019 оны эх гэхэд ОХУ-д 100-гаас дээш настан 20582 амьдарч байгаа нь 2017 оныхоос 17 хувиар их байна гэж энд тэмдэглэжээ. Тэдний 14,7 мянга нь буюу 70 гаруй хувь нь эмэгтэйчүүд байгаа бол 5.9 мянга нь л эрэгтэй хүн байгаа юм байна.
ОХУ-ын Шинжлэх ухааны академийн хүн ам зүй болон хүний капиталын олон улсын лабораторийн эрхлэгч Сергей Шульгин энэ нь хоёр үндсэн шалтгаантай гэж байна. Нэгдүгээрт эмэгтэйчүүд удаан хөгширдөг., хоёрдугаарт тэд хортой дадал зуршилд бага өртдөг гэжээ.
Харин урт настнууд ингэж нэмэгдэж байгаа нь амьдралын нөхцөл, эмнэлгийн үйлчилгээ, статистикийн бүртгэлийн систем сайжирч байгаатай холбоотой гэнэ. Урьдчилсан таамгаар оросын 100 давсан настнуудын тоо цаашид тогтвортой өсөх юм байна.