Донбасс дахь мөргөлдөөний галын шугам дээр украины цэргийнхэн өөрийн байр сууриа бэхжүүлж байна гэж өөрийгөө Донецкийн бүгд найрамдах улс хэмээн тунхагласан улсын Ардын цагдаагийн газар мэдээллээ хэмээн РИА Новости агентлаг дамжуулаа.
Тус бүгд найрамдах улсын мэдээлснээр бол “Гал зогсоох хэлцэл мөрдөгдөж байгааг ашиглан инженерийн төлөвлөгөөгөөр өөрийн байрлалаа улам бэхжүүлж байна” гэжээ.
Донбасс дахь нөхцөл байдлыг тогтворжуулах бүлгийн хуралдаан наймдугаар сарын 21-нд өндөрлөсөн юм.

Киев, Донбасс гэсэн хоёр тал энэ бүлгийн өмнө нь тохирсон хугацаагүйгээр гал зогсоох хэлцлийг биелүүлэх ёстой гэж энэ бүлэгт орсон Оросын төлөөлөгч Борис Грызлов мэдэгдсэн байна. Хугацаагүй гал зогсоох тухай бүхий л нөхцөлийг энэ бүлэгт орсон бүх оролцогч долдугаар сарын 17-нд зөвшөөрсөн нь долдугаар сарын 21-ний өдрөөс мөрдөж эхэлсэн юм.
Украинчууд төмөр замын Рубеное өртөөнд танк, бусад зэвсэг ачсан хоёр ч цуваа авчирсан гэж мөн өөрийгөө Луганскийн бүгд найрамдах улс хэмээн тунхагласан улсын Ардын цагдаагийн газрын хэвлэлийн албаны дарга Яков Осадчий бас мэдэгдсэн байна. Энд украины Т-64 танк, танк эсэргүүцэх МТ-12 болон явган цэргийн байлдааны машин БМП-1 байсан гэжээ.