Венесуэлийн сөрөг хүчний олонхи болсон Үндэсний ассаамблейОростой цэргийн шинэ хэлэлцээр хийгээгүй гэж мэдэгджээ. “Ийм хэлэлцээрийн манай гадаад бодлого, тусгаар тогтнол, даяарчлал хариуцсан байнгын комисс, парламент авч хэлэлцээгүй” хэмээн Twitter-т нийтэлсэн баримт бичигт дурдсан байна. Үүний өмнө Орос, Венесуэлийн засгийн газар хооронд цэргийн салбарт хамтран ажиллах хэлэлцээрт венесуэлийн Батлан хамгаалахын сайд Падрино Лопес, Оросын Батлан хамгаалахын сайд Сергей Шоугу нар гарын үсэг зурлаа гэсэн мэдээлэл тарсантай холбогдуулан ийм мэдэгдэл гаргажээ. Үүнээс гадна БНАСАУ-д Венесуэлийн Элчин сайдын яам нээх тухай шийдвэр нь “Үндсэн хууль” зөрчсөн явдал гэсэн байна. Венесуэлийн сөрөг хүчний удирдагч Хуан Гуайдо “Их-7”-ийн орнуудын эрх баригчдыг Орос, Хятад, Кубатай өмнөд америкийн энэ оронд бий болоод байгаа улс төрийн хямралын тухай ярилцаж тэдний байр суурийг эргүүлэхийг уриалсан юм.