20 жилийн дараа гэхэд Орост 1280 шинэ онгоц хэрэгтэй болно гэж агаарын хөлөг үйлдвэрлэгч “Боинг” компанийн маркетинг хариуцсан дэд ерөнхийлөгч Рэнди Тинсет мэдэгджээ. Энд нэг талаас агаарын хөлгийн парк хуучирч хөгширч байгааг сольж шинэчлэх, нөгөө талаас зорчигчийн урсгал нэмэгдэж байгаа нь ийм эрэлт бий болгоно гэсэн байна. Бас нэг зүйл бол шатахуун хэмнэдэг үр ашигтай шинэ загвар хэрэгтэй болох гэнэ. Тинсетийнхээр бол 2038 он гэхэд Оросын зах зээл 430 тэрбум ам.доллар болох гэнэ.
Сүүлийн 11 жилд ОХУ-ын эдийн засгийн өсөлт жилд дунджаар 8.8 хувь байна. Сүүлийн жилүүдэд Боинг оростой хамтраад охин компани байгуулах, хөрөнгө оруулдаг болсон гээд жил бүр оросын агаарын зах зээлд 27 тэрбум ам.доллар оруулж байгаа гэжээ.

Сүүлийн 10 жилд орост ашиглаж байгаа “Боинг” онгоцны нас богиносч байгаа таатай үзүүлэлт байна. 2008 онд оросын тэнгэрт 20 настай “Боинг” нисч байсан бол өнөөдөр дундаж нас нь 11.4 болсон гэнэ. Гэхдээ л 2038 он гэхэд Оросын агаарын хөлгийн паркийг шинэ хөлгүүдээр сэлбэх шаардлагатай болно, 50 мянга гаруй онгоцыг шинэ хөлгөөр солих болно гэж мэргэжилтэн хэлсэн байна.