Сирийн асуудлыг шийдэхийн тулд эхний ээлжинд тэнд бүрэн тогтвортой байдал бий болгох, улс төрийн амгалан байдлыг хангах явдал гэж ОХУ-ын Ерөнхийлөгч Владимир Путин, Туркийн Ерөнхийлөгч Режеп Тайип Эрдагонтой уулзсаныхаа дараа хийлгэсэн хамтарсан хэвлэлийн бага хурал дээрээ мэдэгджээ. Путиныхаар бол сирийн асуудлыг шийдвэрлэхэд “Астанагийн формат” хамгийн үр дүнтэй арга гэнэ. “Энэ үе шатанд хамгийн гол нь бүрэн төгс тогтвортой байдал бий болгох, улстөрийн ойлголцолд хүрэх явдал” гэж Путин мэдэгдсэн байна.

Дамаск болон сөрөг хүчний зэвсэгт бүлэглэлийн хооронд гал зогсоох хэлэлцээр байгаа хэдий ч сүүлийн долоо хоногуудад Идлиб мужид нөхцөл байдал хурцдаад байгаа юм. Наймдугаар сарын эхээр сирийн арми стратегийн гол хот болох Хан-Шейхуаны дэргэд тулалдаж наймдугаар сарын 18-нд Башар Асадын хүчин хотод орлоо. Сирийн эрх баригчдын мэдээлж байгаагаар бол дараа өдөр нь тус мужийн нутагт туркийн цэргийн цуваа орж ирсэн байна.
Сирийн арми тэднийг агаараас цохисноор цэргийн албан хаагч, энгийн иргэд амь алдсан байна. Дамаскийн мэдээлж байгаагаар бол туркийн цэргийнхэн Идлиб муж дахь босогчдод туслахаар бэлтгэж байгаа юм байна.

Орос босогчид байнга довтолж, харгислал үйлдэж байгаа Идлиб муж дахь нөхцөл байдлыг Орос байнга ажиглаж байна гэж ОХУ-ын Гадаад хэргийн сайд Сергей Лавров наймдугаар сарын 20-нд мэдэгдээд байна.
ОХУ-ын Ерөнхийлөгч Владимир Путин ажил хэргийн уулзалтынхаа өмнө Туркийн ерөнхийлөгчийн Москва орчимд болж байгаа МАКС авиасалоныг үзэж сонирхсон байна. Хоёр ерөнхийлөгч оросын шинэ үеийн Су-57 сөнөөгч онгоц, зорчигч тээврийн МС-21 онгоцын үзэж сонирхох үеэр Путин Эрдагонд мөхөөлдөс авч өгөн дайлжээ.