АНУ-ын Ерөнхийлөгчийн Үндэсний аюулгүй байдал хариуцсан зөвлөх Жон Болтог Украины нийслэл Киевт нисч ирсэн байна. Түүнийг Украинд айлчлах гэж байна гэж америкийн хэвлэлүүдийн бичиж байсан нь үнэн болсныг Киев дэх АНУ-ын Элчин сайдын яам баталжээ.
Дипломат төлөөлөгчийн газрын Twitter хуудсанд бичсэнээр бол Болтон “Украины евроатлантын замыг дэмжих”, украины албаны хүмүүстэй уулзах зорилгоор ирсэн бололтой. Украины хэвлэлүүд болохоор америкийн засаг захиргааны нөлөө бүхий өндөр албаны хүн ийн Киевт гэнэт хүрэлцэн ирсэн нь тодорхой шалтгаантай гэж бичиж байна. Энэ нь украины нисэх онгоцны хөөлгүүр үйлдвэрлэгч “Мотор Сич” заводод хөрөнгө оруулах асуудлаар Хятадтай өрсөлдөх гэсэн хэрэг гэж The Wall Street Journal сониноос эх авснаа украины strana.ua сайт бичсэн байна.

Сонинд бичсэнээр бол украины нийслэлд энэ заводын удирдлагуудтай уулзалт болох юм байна. Өөр бас нэг шинжээч Вашингтон “батлан хамгаалах технологиор БНХАУ-тай өрсөлдөх гэж байна” гэсэн бол бусад шинжээчид энэ бол зүгээр л нэг өрсөлдөөн гэж байгаа юм.
Хятадын Skyrizon Aircraft болон Xinwei Group компаниуд украины агаарын хөлгийн мотор үйлдвэрлэгч “Мотор Сич” каводын 50 хувийг худалдан авах хүсэлтээ Украины Монополийн эсрэг хороонд өглөө гэж тус компанийн олон нийттэй харилцах ажил хариуцсан захирал Анатолий Малыш “Общественному ТВ” сувагт ярилцлага өгөхдөө тэмдэглэснийг энэ наймдугаар сарын 25-нд www.mk.ru хэвлэл дамжуулсан юм. “Мотор Сич” бол украины нутагт нисэхийн тоног төхөөрөмж, сэлбэг үйлдвэрлэдэг цор ганц үйлдвэр. “Хятадын компани хувьцааг хэдийнээ худалдаад авчихсан” гэж Малыш тэмдэглэсэн гэнэ. Одоо эцсийн шийдвэрийн Монополийн эсрэг хороо гаргана гэжээ.