БНХАУ-ын Гадаад хэргийн сайд Ван И Гонконгт өнөөдөр болж байгаа үйл явдлыг тус хот хятадад шилжиж ирснээс хойш хамгийн хэцүү үе гэж нэрлэснийг хятадын Засгийн газрын албан ёсны сайт мэдээлжээ.
“Өнөөдөр Гонконгт эргэж ирснээсээ хойшхи хугацаанд хамгийн хэцүү цаг үетэй тулгараад байгаа ч эх орон Гонконгт хайртайгаа илэрхийлэн тугаа өндөрт мандуулна гэдэгт итгэлтэй байна. Гонконгийн нийгмийн бүхий л давхарга нэгдэн нягтарч, гонконгийн засаг захиргаагаа тойрон хүрээлж, хатуу дэмжиж, эмх замбараагүй байдлын даван туулж хуулиа дээдэлж дэг журам тогтоон удирдлагаа сэргээнэ гэдэгт итгэж байна” гэж Ван И гонконгийн худалдааны танхимын төлөөлөгчидтэй “Нэг бүс-нэг зам” хийсэн уулзалтын үеэр мэдэгдсэн байна.

Гонконг 1997 онд британийн харьяанаас гарч Хятадын “Нэг улс-хоёр систем” бодлогын хүрээнд анхны засаг захиргааны нэгж болсон юм.
Гэмт хэрэгтэн, сэжигтнүүдийг эх газрын хятадад шилжүүлэн өгөх тухай хуулийн төслийг эсэргүүцсэн жагсаал цуглаан Гонконгт зургадугаар сарын эхээр эхэлж эрх баригчид нь “Эрэн сурвалжилж байгаа сэжигтэн, гэмт хэрэгтнүүдийн тухай хууль”-ийн төслийг хэлэлцэхээ больж түр хугацаагаар татан авсан ч эсэргүүцлийн хөдөлгөөн намжихгүй үргэлжилсээр байгаа юм. Хуулийн төслийг эсэргүүцэгчид энэ хууль нь “нэг улс, хоёр систем” гэдэг зарчмаас ухарч эх газрын бодлогыг эсэргүүцэгчдийг мөрдөн мөшгиж, шилжүүлэн өгөх Гонконгийн шүүхийн хараат бус тогтолцоог үгүй хийх гэсэн оролдлого гэж үзэж байгаа юм.
Эрх баригчдын түр хугацаа гэсэнд эсэргүүцэгчид сэтгэл ханахгүй энэ хууийг хэлэлцэхээс бүрэн татгалзах ёстой гэсэн шаардлага тавьж тэмцлээ үргэлжлүүлсээр энэ сүүлдээ хуулийнхантай мөргөлдөөн болон хувирч, хүчирхийлэл дагуулах болоод байгаа юм.