"Токио 2020" Олимпын болон Паролимпын наадамд оролцох Монголын баг тамирчид, дасгалжуулагчийн ёслолын болон спортын хувцасны загвар гаргах сонгон шалгаруулалтыг үндэсний хэмжээнд зохион байгуулах гэж байна. Энэ хүрээнд Монголын загвар зохион бүтээгч, хувцас урлалын байгууллага, сургалтын байгууллагын багш, оюутан зэрэг хувцас загвар, дизайны чиглэлээр үйл ажиллагаа эрхэлдэг уран бүтээлчид 2019 оны зургадугаар сарын 04-ний өдөр уулзалт зөвлөгөөнд хамрагдах юм. Монгол тамирчдын ёслолын хувцасны хувьд шаргал өнгө зонхилдог бол спорт хувцасны төрөлд хөх болон цагаан өнгө давамгайлдаг онцлогтой.Тэгвэл ирэх олимпын наадамд оролцох тамирчдын хувцасны загварыг сонгон шалгаруулалтаар тодруулах юм.